Helgafellsmarkmiði náð :)Jóhannes Egilsson

Jæja þá var komið að því, ætlunin var að ná að ganga frá bílastæðinu við Helgafell, upp á topp á því og kvitta í bókina og niður aftur á innan við klukkutíma.
Bjössi kom til mín að horfa á Formúluna sem haldin var á Spa brautinni, lögðum af stað héðan rétt fyrir tvö og ókum uppeftir, lögðum svo af stað í gönguna þegar klukkan var tvær mínútur yfir tvö.
Farið var rólega af stað í þurru og góðu veðri (smá gola), hertum hægt og rólega á okkkur en eftir smá stund þá komu smá rigningarskúr, þegar við komum svo að Helgafelli (stígurinn nyrst við vörðuna) þá var haldið áfram án þess að stoppa og var tekið nokkuð þétt á því og náðum við upp á brún án þess að pása :-) héldum áfram og gekk ferðin mjög vel þó ég hafi fundið aðeins fyrir smá einkennum af hlaupasting, þegar að síðustu brekkunni kom þá var ekkert slegið af og bara tekið á því og var það mjög góð tilfinning að þurfa ekki að stoppa til að hvíla sig :-) þegar við loksins komum upp á topp þá höfðum við verið þrátíu mínútur og þrjátíu og tvær sek. að ganga á toppinn :-)
Skrifuðum í gestabókina og snérum strax niður aftur, nú var ekkert sparað og gangan gekk mjög vel, þegar við svo vorum í síðustu brekkunni þá stoppuðum við í um 10 sek til að hleypa fólki framhjá okkur sem var á uppleið :) til að ná upp þessum tapaða tíma var bara hert aðeins meira á sér og vorum við í góðum gír alla leið til baka :) þegar við loks komum að bílnum aftur þá vorum við búnir að vera fimmtíu og átta mínútur og nítján sek. :) frábær árangur og markmiðunu náð :)

Göngutími á topp 30:21 mín
Göngutími upp og niður 58:19 mín :-)

Esjan markmiðinu náð :-)Jóhannes Egilsson

jæja þá náði ég því loksins í fjórða skipti, ná á topp þverfellshorns á innan við klukkustund :-)
Bjössi sendi mér sms um þrjú leitið og spurði hvort ég væri til í að skella mér á Esjuna, vissi ég að það var kappganga til að ná að vera undir klukkutímanum á toppinn og var ég sko allveg til í það :-)
Bjössi var hjá mér um hálf sex og drifum við okkur uppeftir, gerðum okkur klára og var svo lagt í hann kl 17:51, hraðinn var kannski aðeins í meira lagi til að byrja með og hægðum við á okkur til að sprengja okkur ekki, gekk gangan vonum framan og ekkert sem truflaði, þegar við vorum komin að skilti 2 (eftir tröppurnar við hliðina á læknum) þá var klukkan 18:03 og hraðinn sem sagt ágætur, ekkert stoppað heldur haldið áfram og þegar við komum að skiltinu við brúnna þá var klukkan 18:08 og var ákveðið að fara brattari leiðina upp, vá þarna fór þetta að verða þungt undir fót en áfram var haldið, þegar við komum að síðustu brekkunni fyrir stein þá var ég farinn að finna fyrir smá einkennum hlaupastings þannig ég fór varlega en ekkert stoppað :-) upp að steini náðum við þegar kl. var 18:34 þannig við vorum 43 mínútur þangað upp sem er ágætis tími myndi ég segja. Við stoppuðum ekkert hjá steininum heldur héldum áfram, í þessari brekku var fyrsta hvíldarstoppið mitt til að ná andanum smá stund :-) Bjössi hélt áfram og ég lét hann nú ekki fara langt frá mér því ég ætlaði að vera á sama tíma og hann upp :-) lappirnar orðnar þungar og í klettunum þá þurfti ég næstum að lyfta þeim til að taka næsta skref :-/ en ekki stoppað bara haldið áfram :-) þegar við loksins náðum toppnum þá var klukkan 18:47 þannig við náðum að fara á Esjuna á 56 mínutum sem er bara frábær tími :-)
Niðurleiðin var svolítið öðruvísi, við prófuðum aðra leið niður klettana og var hún frekar laus og leiðinleg, fórum svo lengri leiðina niður og þegar við komum að brúnni þá hittum við fólk sem hafði verið rétt fyrir aftan okkur við steininn þannig það fer meiri tími í að ganga niður þá leið sem við fórum. Þegar við vorum komnir niður og búnir ða teigja þá var klukkan 19:57 þannig það tók okkur lengri tíma að ganga niður en upp :-/

Gönguvegalengd ca. 3 km
Göngutími upp 56 mínútur
Heildargöngutími rétt rúmir 2 tímar

Afmælisganga GFF Sleggjubeinsskarð - Innsti dalur - Ölkelduháls - ReykjadalurJóhannes Egilsson

Hist var við bílastæðin við Suðurlandaveginn hjá Olís Norðlingaholti kl. 8:45 og safnast í bíla, vorum 11 sem lögðum af stað kl. 9:00 austur, þegar við komum að afleggjaranum að hellisheiðarvirkjun stoppuðum rétt inná honum til að hleypa fólkinu út því þau röltu inn í Sleggjubeinsdal á meðan við skutluðum svo bílunum að bílastæðinu við Reykjadal til að skilja tvo þeirra eftir þar, snérum við við og hittum hina göngufélagana við bílastæðið við sleggjubeinsskarð.
Lögðum af stað í gönguna kl 10:14 í góðu og björtu veðri, þegar við vorum komin upp í gegnum skarðið þá gengum við inn í þokuna sem hafði hangið yfir Henglinum þegar við ókum að honum. Gengum áfram í mjög góðu veðri þrátt fyrir þoku, gengum áfram og inn í Innsta dal, útsýni var frekar lítið en örugglega mjög flott þarna þegar bjart er yfir :) þegar við vorum kominn inn í Hengladal þá stoppuðum við og nestuðum okkur, héldum svo áfram og þegar við vorum komin yfir ánna í Miðdal þá viltumst við aðeins og gengum út úr slóðinni, því betur fer þá var ég með kort af svæðinu og GPS-inn þannig við fundum slóðina aftur eftir smá tíma :)
Gengum áfram og yfir Kýrgilshnúka. Þegar við vorum komin yfir þá þá gegngum við framhjá einum göngugarp sem var það vel falinn undir klettunum að einungis nokkrir sáu hann :D þarna fljótlega tókum við seinna nestisstoppið okkar í smá gili á milli Kýrgilshnúks og Ölkelduháls. Áfram haldið eftir notaleft stopp og gengið að Ölkelduhnúk og meðfram honum og niður í Reykjadal, þar stoppuðum við og 8 okkar fengum okkur smá heitt bað sem var mjög endurnærandi :-) þegar þarna var komið þá var ca 3 km eftir og röltum við þetta í rólegheitum, þarna fengum við þó nokkra rigningu en gerði það nú lítið til því við vorum orðin vel blaut eftir þokuna á leiðinni :) Komum svo á leiðarenda (bílastæðin við minni Reykjadals) um 16:45, þá var ekið sem leið lá heim með smá viðkomu til að ná í bílinn hanns Hermanns sem við skildum eftir í Sleggjubeinsskarði :)

Frábær ganga í frábærum félagsskap. Veðrið var þoka og blautt en heitt, næstum logn alla leiðina :)
en þessa leið ætla ég að ganga aftur seinna þegar bjart er og gott veður

Göngufélagar:
Elín Eiríks, Hermann, Erla Ólafs, Magga Jóhanns og Rakel vinkona hennar, Bjartmar, Berglind, Linda, Elsa og Sjöfn
Gönguvegalengd 16,2 km
Göngutími 6,5 klst

Móskarðshnúkar með frábæru útsýni á toppnumJóhannes Egilsson

Við Bjössi vorum búnir að ákveða göngu á Móskarðshnúka í dag ef veðrið væri gott sem það svo var, lögðum af stað frá Bjössa um eitt leitið, tók okkur tæpar 30 mín að aka uppeftir, lögðum af stað í gönguna á Hnúkinn (Austasta) um kl. 13:30, gengum þetta nokkuð rösklega þar sem Bjössi var svo kraftmikill (iðaði allur í hvert skipti sem við stoppuðum) :-) gekk gangan vel og náðum við toppnum eftir um einn klukkutíma og tíu mínútur, fengum frábært útsýni sem ég hef n.b. ekki fengið þarna áður þrátt fyrir tvær aðrar tilraunir :-) stoppuðum smá stund á toppnum og svo var haldið niður aðra leið þar sem Bjössi fékk sér reglulega að borða af þessum frábæru berjum sem voru í hrúgum í hlíðinni :-) komum niður aftur þegar klukkan var 15:55 eftir um 2 tíma og 25 mín.
Fórum svo beint þaðan í sjósund með GFF og var hitinn í sjónum í kring um 15°c, var það svolítið kalt en náði að synda hálfa leið að seinni baujunni og svo aftur að fyrri baujunni. Heiti potturinn á eftir og er planið að mæta aftur eftir viku :-)

Göngutími  um 2tíma og 25 mín
Akstur ca 30 mín önnur leið 2x30 = 60 mín
Frábær ganga

Sveinstindur - Landmannalaugar með GFF 17 - 21 júlíJóhannes Egilsson

Dagur 1

Laugardagur 17. Júlí 2010

Söfnuðumst við saman við Olís í Norðlingaholti kl. 8:45, stefnan var að leggja af stað ekki síðar en kl 9:00 og aka sem leið liggur austur að Sveinstind við Langasjó.

Þegar allir 16 ferðalangarnir voru búnir að koma sér fyrir í bílum sínum þá var lagt af stað, Trausti fararstjóri var í bíl með Herði, Erlu Ólafs og Elínu Helga, í bílnum hjá Gulla var Elsa, Elín Einars og Rúnar, í bíl Eyrúnar var kvennahópur mikill eða Linda, Magga Þóra og Helga og með mér í bíl voru Bjössi, Berglind og Inga.

Ókum  í gegn um Selfoss og upp í gegn um Þjórsárdalinn,  stoppuðum í Árnesi til að taka eldsneyti og ýmislegt smálegt, þegar kom að afleggjaranum inn að stöng þá fórum við þá leið til að skoða Gjánna sem er náttúruvin þarna í svörtu umhverfinu :-) Þaðan var haldið áfram og í stað þess að fara upp að Hrauneyjum og þá leið þá fórum við yfir stífluna við Búrfell og þaðan svo Dómadalsleið inn í Landmannalaugar. Eftir smá stopp í Landmannalaugum héldum við áfram inn að Sveinstind, þetta er leið sem ég hef ekki farið áður og var mjög gaman að sjá eitthvað nýtt umhverfi :) ókum svo sem leið lá að Sveinstind,  stoppað smá þar því planið var að ganga á tindinn og svo niður í skála en breyttum planinu og ákváðum að koma okkur fyrir í skálanum fyrst og ganga svo á Sveinstind :)

Gangan á Sveinstind var allveg mögnuð, útsýnið varð alltaf betra og betra, flottara og flottara, Trausti hafði gengið tvisvar áður á tindinn en ekki fengið að njóta útsýnisins þaðan og var hann á nálum hvort það yrði komið ský á toppinn áður en við næðum upp, við hughreystum hann og sögðum honum að hann hefði aldrei áður gengið með GFF en við fáum alltaf frábært útsýni og yndislegt veður þar sem við erum :-)stóðst það og fengum við að njóta þess að sjá eina 5 jökla (Hofsjökul, Tindfjallajökul, Torfajökul, Vatnajökul og Langjökul) held að það þurfi ekki að segja meira um útsýnið þarna uppi nema það var magnað :) Gengum niður í skála aðra leið og fengum okkur að borða áður en við  undirbjuggum okkur undir að ná í bílana sem við skildum eftir við Sveinstind, í leiðinni skutluðum við einum bíl á næsta áfangastað sem var undir Faxa. Á sama tíma og við skutluðum bílunum þá fór Gulli niður í Landmannalaugar til að ná í Heiðar sem var á leiðinni á „puttanum" en þeir hittust svo á endanum í Hrauneyjum og komu í skála um miðnætti.

Gönguvegalengd. 5,2 km

Göngutími ca. 2,5 tímar

 

Dagur 2

Sunnudagur 18. Júlí

Planið var að leggja af stað kl. 10:00 til að hafa góðann tíma í gönguna og tókst það. Það var 17 manna hópur sem lagði af stað með spenning og eftirvæntingu í fararteskinu frá skálanum við Sveinstind, gangan var róleg til að byrja með, smá brekka en gekk það vel, þegar við vorum komin þar upp höfðum við flott útsýni yfir Hellnafjall og Uxatinda, héldum áfram og komum fljótlega að fyrstu sprænunni en þurftum ekki að fara í vaðskó heldur óðum bara yfir. Undirlagið á leiðinni var sandur og því misþungur að ganga í, sérstaklega upp brekkurnar þar sem hann var laus í sér. Sáum þarna skemmtilegt náttúruundur, margir hringir í sandinum sem voru ca. 2 m í þvermál, spanst upp umræða hvað þetta væri en líklegast er þetta eftir litla hvirfilbili. Gengum yfir Grænafjallgarð yfir skarð norð - austast í honum, komum þá upp í endanum á dal sem liggur norð-vestan við fjallgarðinn, þessi dalur hefur verið nefndur „Danski dalur" eftir gönguhóp sem fór þarna í gegn hálfum mánuði fyrr, settumst niður og tókum nestispásu með notalegt útsýni yfir dalinn :)

Áfram var haldið og gengið eftir dalnum, þegar við vorum komin í endan á honum þá gengum við upp úr honum í norð-austur og komum niður nálægt „Óla-lóni" en það er nefnt eftir Ólafi F. fyrrverandi Borgarstjóra en hann gekk þessa leið með Útivist í fyrra. Stoppuðum smá stund við lónið og nutum útsýnisins og tókum fullt af myndum (sumar voru æstar í að fá sér smá sundsprett í lóninu en fengu ekki), héldum áfram yfir næstu hæð og fengum þá magnað útsýni yfir 2 samtengd lón sem veiðiskálinn Örk stendur við, til að komast þarna yfir var ekki annað í stöðunni en fara eftir veginum og nota vaðið. Þegar við komum að því þá voru vaðskórnir teknir fram og hlaupið útí, var þetta bara notalegt að komast út í og kæla sig smá :-) Héldum áfram (þegar allir voru búnir að koma sér í skóna aftur) eftir veginum og upp „smá aflíðandi" brekku ;-) fórum út af veginum eftir brekkuna og gengum upp á Útsýnishæð og þaðan niður í átt að ánni sem rennur úr lónunum og yfir í Lónakvísl, þar komum við að svakalega flottum foss sem var skipt í tvennt með kletti og þar sem Magga var sú fyrsta sem spurði hvað hann héti þá fékk hann nafnið „Möggufoss" , þar rétt hjá var gil sem áin rennur í gegnum og var stoppað þar til að nesta okkur. Sumir voru æstari en aðrir í að fá sér sundsprett í gilinu en Trausti stoppaði það af :-/. Eftir matarstoppið þá var gengið í hlíðinni á gilinu og yfir, komum niður í dal með ótrúlega fallegu umhverfi og lóni sem heitir Botnlangalón, gengum eftir dalnum og yfir smá hæð, þar fyrir neðan komum við að bílnum mínum sem hafði verið skilinn þar eftir kvöldinu áður til að hægt væri að ná í hina bílana, þessi staður var sem sagt næsti náttstaður, svartur sandur undir hlíðum Faxa og við grunnan læk.

Eftir að búið var að taka dótið út úr bílnum mínum þá fórum við Trausti, Gulli og Hörður að ná í hina bílana, á meðan tjölduðu hin tjöldunum og Erla og Elín H. gengu eftir ánni til að kæla sig aðeins niður :) fundu þær smá hyl sem hægt var svo að skola aðeins af sér sem og ég gerði síðar um kvöldið ásamt fleirum :). Þegar við komum til baka þá var farið í að koma sér fyrir og eftir matinn þá fóru Trausti, Gulli og Hörður og skutluðu bíl á næsta náttstað sem var við Kirkjufellsvatn, tók það þá tæpa 3 tíma og voru allir lagstir til hvílu þegar þeir komu til baka, en Elín H. var samt búinn að hita handa þeim vatn og taka til kex handa þeim þannig þeir gæti fengið sér eitthvað heitt að drekka J

Gönguvegalengd ca. 16 km

Göngutími ca. ???

p.s.

Hér fékk fólk fyrst að nýta sér ferðaklósettið fræga (Skófluna) og má segja að útsýnið á þessu klósetti er með því flottara sem ég hef haft :-D

Dagur 3

Mánudagur 19. júlí

Vaknað um sjö leitið því planið var að leggja af stað eigi síðar en kl 9:00 því þetta er lengsti dagur göngunnar, gekk ágætlega að taka sig til og ganga frá dótinu í bílana, samt þá vorum við 20 mín á eftir áætlun að koma okkur af stað, gegnum í suð vestur milli Kattahryggja og Tungnár, þarna var eins og áður sandur og meiri sandur en litirnir í sandinum, fjöllunum og himninum magnaðir og útsýnið ægifagurt :-) eftir því sem á leið þá hitnaði meira og meira, nokkur ský voru að þvælast um himininn sem var ágætiskæling, stutt stopp var hjá okkur til að safna hópnum saman með útsýni yfir Tröllið (hinum megin við Tungná) en sögur herma að bændur í fyrndinni hafi kallað þann klett „Böll" og „Ballarvað" þar hjá því kletturinn er víst allveg eins og risastór Böllur með jólakúlum og alles, haldið áfram að Faxafit þar sem við sáum álft út í mýrinni, var þetta fyrsta vað dagsins þarna sem þurfti að fara í vaðskóna, vatnið var ekki eins kalt og daginn áður og bara notalegt að dýfa fótunum í kalt vatnið, í skóna og áfram gengið því við stefndum á að fara upp á „Jóhann" en þar var fyrsta matarstoppið okkar þennann daginn :) Jóhann er um 700 metra hátt fell sem stendur allveg við Tungná með frábæru útsýni allveg uppeftir Vatnajökul og niður í Landmannalaugar má segja, gangan upp á það gekk mjög vel enda hækkun ekki nema um 150 metrar eða svo, rákumst á Indjánahöfðingja (klettur) sáum hliðið að helli tröllsins á svæðinu og svo húsfreyju fellsins :-D áður en við náðum toppnum :).

Eftir gott matarstopp þá héldum við áfram niður af „Jóhanni" og eftir smá dal sem er ekki langt frá  ánni, var þetta tíðindalítið en fagurt útsýni eins og á allri göngunni, þegar þarna var komið þá var farið að fækka ansi mikið fötum hjá sumum og útsýni okkar bara flottara :) þetta voru sléttur eða þar til við komum að fjallgarði sem ber heitið Hnúkar, þar stoppuðum við smá stund og sumir nestuðu sig pínu pons meðan aðrir lágu í sólbaði eða hoppuðu á „Strák" ;-) áfram var haldið og gengið meðfram Hnúkunum og eftir dalnum þar. Fljótlega komum við að sandsléttu undir Stakahnúk sem þurftum yfir og var það eini staðurinn sem við fengum sand/mold rok yfir okkur, tók það stuttan tíma að ganga yfir hana og vorum þá laus við sand/mold rokið, nú var farið að styttast í næsta matarstopp og átti það að vera þegar við værum komin yfir Jökuldalaánna sem var síðasta alvöruáin sem þurfti yfir og stutt frá, voru sumir fljótari en aðrir að skella sér úr skónum og vaða yfir :) þegar ég komst loksins yfir þá sé ég í hausinn á Bjössa út í smá lóni þarna sem var nefnt „Bjössalón" með það sama og mínútu síðar voru þær Erla og Elín H. komnar útí til hans, ég lét það ekki fréttast að ég hefði ekki þorað þannig ég klæddi mig strax úr og stökk útí til þeirra, kom það á óvart hvað það var í raun heitt og var bara notalegt eftir gönguna :)  Berglind, Trausti, Elín E. og Magga Þóra komu svo útí líka og var þetta fyrsta „sjóbað" þeirra þriggja síðastnefndu og á ég von á að þau leggi þetta fyrir sig :) þegar við loksins stigum uppúr þá maulaði maður nestið meðan maður klæddi sig í fötin :-). 

Baðið hafði smá afleiðingar fyrir Bjössa en hann hafði fengið þursabit vikunni áður og ekki búinn að jafna sig alveg eftir það, festist hann allveg í bakinu og átti erfitt um vik að klæða sig og á endanum fékk hann hjálp við að reima skóna :-/.

Þegar allir voru komnir í föt og búnir að nesta sig var haldið áfram, var nú orðið stutt eftir og bara ein smá spræna á leiðinni, hlupu sumir yfir en aðrir fóru í vaðskó til að blotna örugglega ekki, komum að Kirkjufellsvatni og þar beið bíllinn hans Gulla eftir okkur tilbúinn að flytja okkur til baka að ná í hina bílana, drifum okkur að taka út úr bílnum hans það sem var þar áður en við fórum. Var farið að kólna dálítið og skildum við (sem fórum að ná í bílana) eftir þær yfirhafnir sem við vorum með til að þau sem eftir urðu gætu notað það ef þyrfti. Brunuðum af stað, ókum eftir veginum í átt að Langasjó en fórum út af honum rétt áður en við komum að Skuggafjöllum og ókum eftir Breiðbaksleiðinni að Faxa, tók það okkur tæpan klukkutíma að keyra til baka að bílunum okkar og svipaðan tíma til baka þannig við vorum komnir aftur eftir um 2 tíma. Þá var Bjössi allveg frá og ákvað ég að skutla honum í bæinn eða eins langt og ég þyrfti ef við fengjum einhvern til að koma á móti, gerðum okkur klára og fékk ég mér smá að borða áður en haldið var af stað, lögðum svo af stað um níu leitið og gekk ferðin bara vel, Bjössi náði í Betu og hittum við hana þegar við áttum um 5 km eftir í Selfoss og lofaði hún að hugsa vel um hann :-) snéri við og var svo kominn upp í Landmannalaugar um eitt leitið en þar voru Hörður og Heiðar í heitapottinum, skildum við bílinn hans Harðar eftir þar og fórum upp að Kirkjufellsvatni, var ég kominn í ró rétt fyrir klukkan tvö.

Gönguvegalengd ca. 21,5 km

Göngutími ca. 8,5 tímar

Aksturstími 2+4 tímar

 

Dagur 4

Þriðjudagur 20. Júlí

Þennan morgunn fengum við að sofa út sem var bara notalegt, tókum tjöldin og dótið saman í ró og næði. Þegar allir voru tilbúnir þá var haldið af stað inneftir Kirkjufellsvatni eftir grýttri hlíðinni en gekk þokkalega að ganga yfir ef við vorum allveg við bakkann, þegar við vorum komin innfyrir vatnið þá var stefnan sett á að fara yfir fjöllin í gegnum gil sem var um 800 metra hátt, þarna komum við að „kynsjúkdómagirðingu" og komust 3 félagarnir ekki yfir hana :-/ en með smá hjálp okkar þá komust þeir yfir á endanum (aldrei að skilja neinn eftir á fjalli) :-) þegar upp var komið þá fór maður að rekast á fyrstu  öskuna eftir Eyjafjallagosið en áttum við eftir að sjá meira af henni það sem eftir var ferðar. Héldum áfram eftir gilinu og þegar við vorum komin yfir það þá sáum við niður í Sveinsgil, stoppuðum þar á brúninni og nestuðum okkur í einu flottasta útsýni ferðarinnar, tókum langt stopp þar og gengum svo niður í Sveinsgil og svo í norð vestur eftir Jökulgili eftir langasjó og milli vesturbarma og austurbarma. Rann áin í hlykkjum og var sumstaðar hægt að hoppa yfir sprænurnar en ekki alltaf og var þá skellt sér í vaðskóna :-)  undir Reykjakolli var vaðið yfir síðustu ánna og var hún dýpst eða ca 5 nærbuxna á ;-) þessi leið er ein allra fallegasta sem ég hef gengið og á örugglega eftir að fara þarna nokkrum sinum aftur :) eftir vaðið þá klæddum við okkur í skóna og kláruðum nestið áður en við héldum áfram eftir aurunum og inn í Landmannalaugar þar sem tveir hvítbolamenn (Bjössi og Úlfar) tóku á móti okkur (eða voru þeir kannski að taka á móti Berglindi og Ingu), einnig var Lára komin til að taka á móti Trausta.

Drifum okkur að ná í bílana og koma okkur svo fyrir og þegar það var búið þá fóru sumir í heitapotinn, aðrir bara í sturtu og svo var grillað og haft það gaman til að vera ellefu um kvöldið þegar nágranni okkar kom og kvartaði undan því að við hefðum það gaman :-/

Gönguvegalengd ca. 11 km

Göngutími ca. ???

 

Dagur 5

Miðvikudagur 21. Júlí

Vaknaði um sjö leitið við rennilásaglamur í einhverjum nágrönnunum í sól og blíðu, tekin ákvörðun um að ganga á Bláhnúk og fórum við 12 af stað, þegar við komum að hnúknum þá fóru Trausti og Lára léttari leiðina til baka og við hin gengum alla leið upp á topp, útsýnið allveg ótrúlegt og allveg þess virði að fara upp á hann. Þegar niður var komið þá var farið að taka saman og gera okkur klár fyrir heimferðina, þarna var farið að blása aðeins þannig við vorum passlega tímanlega í þessu. Ókum upp að Ljótapolli á heimleiðinni og eftir gömlum slóða inn á Hrauneyjarfoss leiðina og skoðuðum þar gamalt ferjustæði, stoppuðum í Hrauneyjum til að taka eldsneyti þeir sem þurftu þess og fá okkur að borða. Næsta stopp var við Þjóðveldisbærinn í Þjórsárdalnum til að taka hópmynd af liðinu, kvöddumst þarna og drifum okkur í bæinn.

Gönguvegalengd ??

Göngutími ??

Frábær ferð í alla staði og æðislegur félagsskapur J

Eitt sem við getum lært af þessari ferð að þegar verið er að trússa sjálf þá er nauðsynlegt að hafa aukatjöld með til að þeir sem bíða á staðnum eftir að verið sé að sækja bílana og dótið geti haft skjól.

úlfarsfellJóhannes Egilsson

Mánudagsrölt GFF var á Úlfarsfell, vorum við 5 sem mættum og gengum við frá Leirtjörninni og upp á vestasta tindinn, þaðan yfir á miðtindinn og niður af honum austanmeginn, ætluðum að ganga á austasta tindinn en ákváðum að gera það ekki í þetta sinn og gengum því styðstu leið að bílunum.
Göngutími ca 1 klst og 10 mín

Vörðufell og Útilega með GFF og SólóJóhannes Egilsson

Helgina 2-4 júlí ákvað ég að bjóða félögum mínum í GFF og Sóló í útilegu upp í sumarbústað hjá foreldrum mínum. Á laugardeginum var ég svo búinn að plana að ganga á Vörðufellið sem er hunum megin við Hvítánna og ég búinn að horfa löngunaraugum til að ganga á síðustu 5 ár :-)

Komum upp í bústað um fjögur leitið á föstudeginum, þegar ég kom þá voru nokkrar sólókonur komnar og byrjuðum við á að koma okkur fyrir og tjalda :-) veðrið var yndislegt, smá gola og 18 gráðu hiti, eftir kvöldmat lægði og sátum við úti og spjölluðum fram yfir miðnætti en þá fór ég að sofa :-)

Laugardagsmorgunn var lagt af stað um tíu leitið til að ganga á Vörðufell, ókum við yfir Iðubrúnna og skildum einn bíl eftir þar til að geta svo náð í hina bílana, ókum svo áfram að Birnustöðum og gengum þar upp að Úlfsgili og inn eftir því til að komast upp á Vörðufellið, Úlfsgil er allveg meiriháttar fallegt, þar er Fagrifoss og ber hann nafn með rentu :-) 
Á einum stað þurftum við að klöngrast upp smá klett og vorum við með línu til að hjálpa okkur þar upp, gekk það aðeins brösulega til að byrja með en upp komumst við öll :) Eftir að við komum upp á Vörðufellið þá var gangan nokkuð auðveld, fórum við á báða hæðstu toppa Vörðufells (Vörðufell er í tveimur sýslum og toppuðum við sem sagt Vörðufellið í báðum sýslunum) gengum niður að Úlfsvatni og svo niður af Vörðufelli að norðanmegin gengt Laugarás.
Frábær ganga með frábæru fólki :)
Veður var stillt, smá gola og smá rigning :-)
Gönguvegalengd ca. 9 km
Göngutími 4 klst

Þegar við svo komum upp í bústað þá var skellt sér í útisturtu og beint í heitapottinn :) þá voru dömurnar búnar að skera niður allt grænmetið fyrir kvöldið, koma kartöflunum á grillið og voru að þukla lærin :-) þegar kolagrillið var tilbúið þá hentum við öllum 9 lærunum á það og gerðum allt klárt fyrir kvöldmatinn :) frábær matur og eftirréttur og svo skemmtilegt kvöld sem endaði hjá mér rúmlega 3 þegar ég loksins náði stelpunni inn í tjald til að fara sofa :D

Sunnudagur var frábær, vöknuðum í björtu og örlítilli golu en þurru veðri, þegar ég var búinn að taka saman allt dótið þá var lagst í heita pottinn og slakað aðeins á áður en lagt var af stað í bæinn :-)

Það voru 62 sem kvittuðu fyrir í gestabókina, ca 50 hafa sofið á laugardagsnóttina og um 47 voru í grillinu

Frábær helgi í alla staði :-)

Þjóðhátíðarganga á EsjuJóhannes Egilsson

Við Bjössi skruppum í smá göngu á Esjuna, heilsan hefði mátt vera betir en við skruppum aðeins í bæinn í gærkveldi og skemmtum okkur mjög vel :) en gangan fór rólega af stað en fórum samt þokkalega hratt, þegar kom að krossgötunum þá ákváðum við að fara vinstra meginn, s.s. styttri en brattari leiðina, þegar við komum upp að steini þá vorum við búnir að vera ca. 50 mín á gangi, stoppuðum ekkert þar, náðum svo toppnum eftir 63 mínútna göngu og náði ég þar með að bæta besta tíma minn um 3 mínútur :-)
Göngutími upp 63 mín
Stopp uppi og göngutími niður 63 mín

Vífilsfell og ganga í kring um JósepsdalJóhannes Egilsson

Var lengi búinn að langa til að ganga Vífilsfellið og fjallahringinn kring um Jósepsdalinn, auglýsti því á fallega fólkinu að ég ætlaði að fara þessa göngu mánudaginn 24. maí.
10 fallegir og einn hundur mættu á bílastæðið við Húsgangahöllina og var lagt af stað um tíuleitið, ókum sem leið lá upp að malarnáminu við rætur Vífilsfellið, þar forfallaðist einn strax og lögðum við af stað rétt rúmlega hálf ellefu, gekk gangan rólega en komumst nokkurnveginn áfallalaust upp og toppinn á ca 90 mínútum.
Stoppuðum stutt og héldum niður af mesta toppnum og fengum okkur að borða þar. Þá var haldið af stað leið sem ég langaði til að ganga, og gekk það vel til að byrja með, flottir klettar og sandsteinninn holóttur eins og svissneskur ostur :-) svo fór að verða erfiðara um gang því það var orðið frekar laust í sér undirlagið en héldum við áfram, svo tókum við eftir því að Tumi (hundurinn) var sár á einni loppunni, stoppuðum við og skoðuðum hann og var þá smá flipi orðinn laust á þófanum einum, bundum við um hann og héldum áfram, en á endanum þá stoppaði hann allveg, tók Eysrún þá ákvörðun um að fara með hann beint niður í Jósepsdal og ganga til baka í bílinn en Tumi vildi bara ekkert hreyfa sig þannig Maggi tók hann í fangið og hljóp með hann niður :-), á meðan þá héldum við áfram og var frekar bratt þarna á kafla og tók það á að ganga í þessum bratta og lausa undirlagi, en áfram héldum við þó :)
þegar þarna var komið var allveg útséð að við myndum ná að ganga allann hringinn því ég hafði áætlað 5-6 tíma göngu og vorum við langt kominn með þann tíma nú þegar :-/ þegar við vorum kominn innst í "dalinn" þá var ákveðið að ganga niður í Jósepsdalinn eftir Bláfjallagili, þegar við komum út úr því þá mættum við Magga því hann hafði ákveðið að ganga á móti okkur :-)
Gengum svo eftir dalnum og skoðuðum rústir skíðaskálans, héldum áfram í rólegheitunum að bílunum og vorum komin í bæinn aftur um hálf sex.
veðrið var frábært, glampandi sól og blíða að vísu var dálítið rok á köflum.


Gönguvegalengd 11.51 km
göngutími ca, 6,5 tímar
Heildartími ca. 7,5 tímar
Gönguhraði ca. 1,7 km/klst

HelgafellsspretturJóhannes Egilsson

Bjössi kom og horfðum við á Formúluna í Mónaco og eftir hana þá var stefnan tekinn á að ganga á Helgafellið og keppnisskapið var orðið svo mikið að það var strax sett á fullt, gengum við af krafti og þurftum við ekki að pústa nema hva 2-3 sinnum á leiðinni upp, fórum lengstu leiðina (ekki gilið) og var þetta frábær ganga og fullt af fólki að röta þetta í beðurblíðunni :) það tók okkur 32 mín að ná á toppinn, pásuðum þar í ca 5 mín og töltum svo niður aftur sömu leið, komum svo niður að bílnum 66 mínútum eftir að við lögðum af stað frá honum og nú verður markmiðið að ná undir 60 mín :-)

Göngutími 66 mín
Vegalengd ??